Wednesday, August 09, 2006

أي كلام

بالامس القريب ذهبت لقضاء واجب العزاء لبعض الاقارب –من بعيد- وجاءت جلستي بجانب احد الرجال في العقد الخامس من العمر وللعلم معرفتي به ليست كبيره فبداء معي حديثا عن المرحوم (72 عاما)
الرجل : هو شهر اغسطس كده
انا : مش واخد بالي ماله اغسطس
الرجل : الناس الحلوه كلها بتروح فيه
انا : !!!!!!!!!؟؟؟؟؟؟؟؟؟
الرجل : مالك مستغرب ليه هو الشهر ده كده ابويا راح فيه وامي راحت فيه و و و و
واخذ يعدد الاعزاء الذين فقدناهم في هذا الشهر بمنتهي العصبية وطبعا وافقته واخذت اضيف انا الاخر بعض الناس ولمحت احد اقاربنا الذين اقابلهم دائما في هذه المناسبات فتعللت لمحدثي بانني ساجلس بجانب القريب الاخر وهربت الي الاخر وجلست بجانبه فبادرني بسرعة
الرجل : الحمد لله مات علي سريره
انا : الحمد لله
الرجل : بالك الموته علي السرير دي احسن حاجه
تذكرت ان هذا الرجل كان بجانبي في سرادق اخر لشخص اخر مات وهو مسافر بالسيارة وقد قال وقتها : الحمد لله انه مات جوه العربية وماكانش سايق او ماشي دي كده احسن حاجة
عند هذا الحد من الكلام سرحت بتفكيري ما فائدة العزاء والسرادقات اذا كان البشر بيقولوا أي كلام فيها واللي بيتكلم عن ماتش واللي بيشتم في بقية الناس ويتريق عليهم ... اغسطس ايه واحسن موتة ايه ... ايه الكلام الفارغ ده .. اعتقد فيه 100 طريقة ممكن الناس تعبر بيها عن مشاعرها او تشارك اصحاب المصيبة غير الهبل اللي احنا بنعمله .. قررت اني اقعد لوحدي في اي عزاء بعد كده

3 Comments:

At 8/14/2006 5:35 AM, Blogger karakib said...

يا ريت بس علي كده انت ساعات تقعد تلاقيها بقت قعده عالقهوه و كله بيتكلم في اي حاجه و كل حاجه و الصوت يعلي و ممكن يعلي بالضحك كمان
انتوك

 
At 8/30/2006 12:50 PM, Blogger nada said...

انت كمان لو عرفت ان في عزاء الستات دايما من التقاليد انهم يلبسوا كل الدهب اللي عندهم عشان يتمنظروا على بعض و يقعدوا يا يجيبوا في سيره الناس و شغل الستات بقى و الهمذ و اللمذ يا اما يقعدوا يهزروا مع بعض

 
At 9/05/2006 1:24 PM, Blogger فانتوماس said...

كراكيب
عندك حق ساعات فعلا بتقلب بهبل والغريب انك ممكن تلاقي اقرب الناس للميت مشاركين بحماس في الهبل ده

ندي
:)
الفشخره شيء اساسي في الشعب بتاعنا لزوم عقد النقص

 

Post a Comment

<< Home