Wednesday, July 19, 2006

يا نهار اسود 23يوليو جاي

طبعا في الاجازات كل الناس في مصر بتدور تاخد اجازة طويلة وجميلة ويوم 23 يوليو اجازة رسمية بمناسبة الثورة الميمونة . وانا كمان لسة كنت حاحجز واخد اجازة وبعدين افتكرت اني كل ما باخد اجازة فى المناسبات القومية بتحصل مصيبة. تروح سيناء مثلا وانت بتتفرج علي الفضائيات في الفندق تلاقي احلي تفجيرات وقصص عن عدم وجود اي استعدادات للمصيبة اللي حصلت يعني الجثث بتتنقل علي عربيات النص نقل وامكانيات المستشفيات لاتصلح الا ان تزود الناس ببعض الشاش والقطن ده لو ماتسببوش اصلا في موتهم. وقصص تقطع القلب عن ناس فقدوا اعز اصدقائهم او افراد عائلاتهم امام عيونهم. وتحاول ترجع القاهرة تلاقي اشاوس الامن اللي اخيرا اتحركوا قفلوا النفق وهاتك يا بهدلة في الناس ما هو ده اللي بيعرفوا يعملوه بس
وطبعا وسط الهيصة دى والدخان والاشلاء والجثث حتلاقي شوية اجانب استضافهم" التليفزيون المصري بس" بيحلفوا براس ابوهم انهم حيكملوا الرحلة بتاعتهم وانهم بعتوا بلدهم يجيبوا بقية العيله عشان ينتحروا اقصد ينبسطوا هنا هما كمان وتلاحظ ان غالبا الاجانب دول شوية عيال كومبارس تبع ريجيسير اجنبي وهما هما اللي بيتعمل معاهم الاحاديث دي بعد كل تفجير. وطبعا حيطلع في الاول واحد اهبل يقولك ان دول شوية مختلين بيلعبوا بالبمب والصواريخ فولعت فيهم لانهم مختلين وبعدها يقولك انهم من اهالي سيناء وبعد كام شهر تقراء عن مصرع احد المشتبهين في تفجيرات سيناء وهكذا الشهر اللي بعده ومانتش عارف هما كانوا كام واحد وحيفضلوا يموتوا فيهم لحد امتي وبعدين الناس تفتكر الموضوع ده في التفجير اللي بعده واهو كاس وداير والاعلام يؤكد ان الدنيا كلها كده ده حتي الموضة في اوروبا هي الارهاب
تفتكروا الواحد ممكن يطلع الاجازة الجايه وهو مطمئن وشايل كفنه علي ايده والاعمار بيد الله وخلاص. طيب تفتكروا انهم زودوا الاستعدادات الطبية حتي او اخدوا بالهم من تحذيرات اسرائيل اللي كل مرة بتحذر رعاياها لانهم مهمين عندها قبل التفجيرات بتاعتنا. مش عارف بس ربنا يستر وتعدي الاجازة الجاية علي خير، علي العموم لو حصلت تفجيرات ولقيتوني مابكتبش تاني يبقى طلعت القرافه اقصد الاجازة. احساس رائع بالامان في بلدك

6 Comments:

At 7/19/2006 11:25 AM, Anonymous Anonymous said...

انها كارثة ان نفتقد الامان الي هذه الدرجة فانتوماس سخريتك تجعلني ابتسم واحزن في نفس الوقت

 
At 7/20/2006 4:17 AM, Anonymous Anonymous said...

Super color scheme, I like it! Keep up the good work. Thanks for sharing this wonderful site with us.
»

 
At 7/21/2006 6:20 AM, Anonymous Anonymous said...

I find some information here.

 
At 7/24/2006 12:56 PM, Anonymous Anonymous said...

Especially I like the first site. But other links are informative too, if you are interested check all those links.http://indexmachine.info/2769.html and http://google-index.info/776.html

 
At 9/04/2006 1:46 PM, Blogger KareemFromEgypt said...

well... i was in Dahab last explosion... i mean vacation

and not only that but the lovely Forces took us and investigated us for over 24 hours non-stop me and two friends, and our names were in the newspapers kaman.

this year i decided to spend 23rd of july at home (sayeft ta7t el Segada)

 
At 9/05/2006 12:55 PM, Blogger فانتوماس said...

Kareem
I believe the carpet is safer, I've heared also that they arrested some terrorists by that time, GOD save EGYPT.

 

Post a Comment

<< Home