الاطفال والرجال في فلسطين
مش عارف ليه عندي سؤال محيرني فعلا ومش لاقي له اجابة ..بعد ما اتفرجت علي صور الابطال الفلسطينين وهما بيقتلوا بعض وبيجهزوا للمعارك بينهم ببأس شديد وعنف اكيد لدرجة ان حماس قذفوا باحد اقطاب فتح من الدور ال18 في احد المباني
تحس بمدي القوة والتصميم وتلاقي سلاح موجود وبكثرة
تحس بمدي القوة والتصميم وتلاقي سلاح موجود وبكثرة
ده غير شرب مشروب الطاقة احتفالا بالنصر
ومافيش مانع من ركعتين صلاة للشكر علي هذا الفتح المبين
ليه لما اسرائيل بتبقي موجودة بتصدروا اطفال الحجارة وتقعدوا تولولوا عليهم وتختفوا انتم ليه مش بنشوف الشراسة دي مع اسرائيل؟؟؟
مش عارف ليه ابتديت احس ان موضوع فلسطين ده كله علي بعضه كده حاجة بنتلهي فيها وخلاص وماحدش عايز يحلها حتي الفلسطينيين
posted by فانتوماس @ 10:43 AM
7 comments
7 Comments:
حلو قوي مشروب الطاقة ده :)
فعلا ده كان رأيي برضه .. كمية الغل والعنف اللي ابطال النضال تعاملوا بيه مع بعضهم مريب وغريب جدا
مش بس اللي اترمى من الدور 18
كمان فيه قائد عسكري في فتح اسمه سميح المدهون عذبوه وسحلوه وقتلوه وبعدين مثلوا بجثته في الشوارع وضربوها بالجزم
مش بس كده دول ضربوا بعض بالنار في المستشفيات ..
مخلوش حجر على حجر .. دخلوا اوضة نوم عباس وحمامه واتصوروا فيهم ..
طيب لما انتوا رجالة وجامدين كده
وسلاحكوا طلع اهه (اغلبه داخل من مصر على فكره) طيب بتعملوا فراخ ليه على اسرائيل ..
اطرف ما في الأمر .. ان اسرائيل كده ضربت عصفورين بحجر واحد .. بعد ما اعلنت النهاردة تأييدها للحكومة الجديدة اللي حطها عباس بدل حكومة حماس
وبكده تكون اسرائيل حققت المكاسب التالية . .خلصت على الحمساوية غير المرغوب فيهم .. وهتنشف منابع حماس وتخلص منها .. ساندت الشرعية الدولية ..ساندت الحكومة الفلسطينية .. وحاربت الارهاب .. وشوية فلسطينيين ماتوا من غير ما اسرائيل تخسر تمن الرصاص ...
هي دي الوطنية لا بلاش
عجبتني برضه قوي صورة مشروب الطاقة :)
المصيبة انه ممكن دلوقتي يبقي فيه دولتين فلسطينيتين واحدة في غزة والتانية في الضفة ونحاول نعمل سلام ما بينهم الاول وبعدين يتحدوا ويعملوا سلام مع اسرائيل
الظريف ان اسرائيل علي قد ما بهدلت في الفلسطينيين مارمتش حد من الدور ال18 او علي الاقل ماخليتناش نسمع بكلام زي كده. الظاهر ان الشعوب بتاعتنا دي همج لدرجة انه خسارة فيها الحرية
تحياتي
وصلت للحقيقه دي متأخر قوي يافانتوماس
الله يكسفهم البعدا
أنت فين ؟؟؟؟؟؟؟؟؟؟؟؟؟؟
تيجي نتراهن أن دولة فلسطين عمرها ما هتكون على الأقل في الـ 100 سنة الجاية
تحياتي
يا ايها المتقولون على ابناء حماس كفاكم تقويلا فوالله سوف تحاسبون على كل كلمة انت كاذبون بصددها
مجااهدين حماس اشرف من كل حكام العرب والسلطه العميله لليهود
وانتم وحاكمكم حاكم مصر اكبر خائنيين للموقاومه
مبارك انذل من ان يوين هو قائدكم فذا حاكمكم نذل وخائن وجبان ماذا انتم فاعلون لانفسكم تجاهه
والله انه لشرف لنا ان يحكمنا اشرف واطهر الناس مجاهدى حماس اهل السنه والجهاد ونصرة الله
شكرا علي المجهود
Post a Comment
<< Home